Уште една земја прогласи победа над коронавирусот
Објавено во: Свет, Корона Вирус 06 Октомври, 2021
Емиратите прогласија победа над коронавирусот. Но, луѓето и натаму ќе мора да носат маски и да одржуваат физичка дистанца.
Сепак, Емиратите регистрирале најмалку инфекции на ковид од летото 2020 година.
„Сакам да ве уверам дека нашите животи мора да се вратат во нормала. Благодарни сме му на Бога затоа што ја надминавме оваа криза – безбедно, во добра здравствена состојба и со искуство за кое ја плативме цената, но научивме многу“, изјави престолонаследникот во Абу Даби, Мухамед бин Зајед, пренесе официјалната новинска агенција ВАМ.
Шеикот Мохамед вели дека три фактори придонеле за нормализирање на животот, а тоа се достапноста на вакцините, континуитетот во тестирањето и новите методи за лекување на пациенти заразени со коронавирус. Седумте емирати, кои ги сочинуваат ОАЕ, регистрираа помалку од 200 нови случаи на ковид-19 овој месец.
Претходно, пет земји од кои четири европски и една во Јужна Америка најавија дека се враќаат во нормала. Тие ги укинуваат рестрикциите.
фото Википедија