Уште колку долго ќе поевтинува нафтата?

Добивај вести на Viber

Веста за наглото зголемување на количините добиена нафта ја симна цената во САД на нафтата за прв пат по повеќе од четири години под границата од 75 долари за барел. Над инвеститорите надвиснаа стравувања за огромно надминување на понудата. За прв пат од 1986 година приносот ја поминува границата од 9 милиони барели на ден, покажуваат податоците на американската енергетска агенција EIA. САД се третиот по големина производител на нафта во светот и со брзи чекори се доближуваат до вториот - Саудиска Арабија, бидејќи производството на нафта од шкрилци се развива побрзо од очекуваното. Русија продолжува да е светски лидер во производството на нафта. Паѓањето на цените на нафтата се вистинско олеснување за сите возачи, но и за големите потрошувачи на горива и нафтени деривати, како авиокомпании, бродските компании и фарми. Во исто време ова паѓање на цените го става под прашање спроведувањето на некои енергетски проекти, како добавувачите кои и без тоа веќе размислуваат своите планови за експанзија во наредните години. Зголеменото производство на САД во комбинација со слабата побарувачка се главната причина за тоа, цената на нафтата да се намали со повеќе од 30 отсто од средината на јуни наваму. За нафтениот картел на земјите од ОПЕК, кои ќе се состанат на 27 ноември, на тој начин предизвиците продолжуваат да растат. Членовите на организацијата контролираат околу една третина од светското производство. Трговците се скептични дека членовите на ОПЕК ќе го намалат своето производство покрај понискиот спрема очекувањата раст. Goldman Sachs, слично на други аналитичари, наведува дека ОПЕК веќе не е во можност да врши контрола врз цената на нафтата поради екстракцијата од шкрилци. А според податоците на EIA од четвртокот и во САД добавувачите не реагираат на падот на цените со намалување на приносите. Американската добивка е "исклучително импресивна", вели аналитичарот Мајкл Лулен од TD Securities. Во последните пет години таа скокна со околу 60 проценти. Хидрауличните технологии и хоризонталните техники за дупчење дале можност на производителите да дојдат до нафта, која претходно бил во стапица. Акциите за суровата нафта со испорака во декември паднаа во четвртокот на берзата во Њујорк со 3,8% до 74,21 долари - најниска вредност од 21 септември 2010 година. Подоцна тие обновија дел од цената. Аналитичарите сметаат дека ако дојде до колапс на цената под 70 долари за барел, тоа ќе доведе до сериозно намалување на производството на нафта во САД. Во текот на неделата и американската банка JP Morgan значително ја намали прогнозата за цената на суровата нафта и најави дека цената на сортата Брент може да падне до 70 долари за барел до крајот на 2014 година, а дури и привремено да достигне 65 долари за Брент во јануари . Според аналитичарите на банката до таму ќе дојде, во случај ако на ноемврискиот самит на ОПЕК не се донесе одлука за намалување на приносот во земјите од организацијата. Според новата прогноза на JP Morgan во четвртиот квартал на 2014 година цената на нафтата ќе биде во просек 80 долари за барел, а во 2015 година и 2016 година - односно 82 и 88 долари за барел. Порано од банката прогнозираа дека во 2015 година - 2016 година цената ќе се движи меѓу 110 и 120 долари за барел. Долгорочната прогноза на банката останува иста - меѓу 80 и 90 долари. Според аналитичарите долгорочно побарувачката ќе биде пониска од понудата поради растот на добивката во земјите надвор од ОПЕК. Во објавената на 10 ноември анализа на Централната банка на Русија, која е посветена на државната монетарна политика во 2015 година и 2016 година, се тврди дека е можно до крајот на 2015 година цената на руската сорта "Уралс" да опадне до 60 долари за барел, а во такво сценарио економијата на земјата ќе претрпи сериозен стрес. Цената на нафтата значи и намалување на цените на горивата. Бензинските акции исто така се тргува на четиригодишно дно. Со тоа веројатно и цената на бензинот на колоните, која обично заостанува зад акциите со неколку дена, ќе продолжи да опаѓа. Тод Гарнер, менаџер во Protec Energy Partners, очекува понатамошно паѓање на цените. Побарувачката не е доволна за да ја преземе понудата, вели тој. На берзата Nymex бројот на претстојните договори последно време се зголемува, додека цените паѓаат. Ед Кевелсен, раководител во Broker Newedge USA, која е дел од Société Générale, во тоа подразбира дека трговците продолжуваат да вложуваат на паѓање на цените. "Никој не сака да купува во реалноста на такви нивоа", изјави Џејсон Вилијамс, виш брокер на суровини во Coquest Inc. "Секој кој се обидува да го најде дното на пазарот, е силно погоден, што од своја страна ја продлабочува продажбата". Сепак има и инвеститори кои сметаат дека ниските цени привлекуваат нови инвеститори, кои на крајот ќе престанат со пропаѓањето. "Побарувачката расте и ќе расте уште побрзо имајки ги во предвид пониските цени", вели Тим Граматович, менаџер во Peritus Asset Management која управува околу 1 милијарда долари. Граматович инвестира во канадските нафтени песоци, но не и во американските производители на шкрилци за нафта, бидејќи верува дека приносот таму ќе го надмине својот врв порано од очекуваното. Тој смета дека цените на нафтата ја достигнаа најниската точка на сегашното ниво и ќе почнат да растат од средината на 2015 година. Саудиска Арабија покажа во последните месеци дека земјата нема интерес да се намали родот . Во почетокот на ноември се дојде до поголема продажба, кога земјата прогласи намалување на официјалната продажна цена за САД. Тоа ги засили шпекулациите дека земјата има намера да го задржи, па дури и да го зголеми својот удел на пазарот за сметка на други производители. Саудиска Арабија ги извлече минатата година просечните 9,7 милиони барели нафта, Русија - 10,1 милиони барели. Ако се додадат и нуспроизводи, како кондензат и природен гас, тогаш енергетското производство на САД веќе е надминато од тоа на останатите две земји. Во средата EIA прошири извештај, според кој приносот на САД следната година ќе достигне рекордно ниво од 1972 година. "Ако пред десет години ме прашуваа дали ова ќе е можно, сите ќе ве прогласат за луди", вели аналитичарот Фил Флин од Price Futures Group во Чикаго. "Во исто време на пазарот почнува полека да верува дека САД ќе го интензивираат толку производството што ќе стане најголем производител на нафта и нафтени производи во светот". К.К.