УТРО СО МИНУСНИ ТЕМПЕРАТУРИ: Од ноќеска очекуваме снег
Објавено во: Македонија 20 Јануари, 2022
Македонија се разбуди со температури под нулата ширум државата.
Најстудено утрово повторно било во Берово каде се регистрирани -12 степени, додека со -9 се разбудија Скопје, Крива Паланка, Битола.
Денеска не очекува сончево со мала локална облачност. Кон крајот на денот во западните делови облачноста ќе се зголеми. Во текот на ноќта во западните и северните делови ќе има локални врнежи од снег. Ќе дува слаб, а во западните делови умерен ветер претежно од западен правец. Максималната температура ќе биде во интервал од 4 до 10 степени. Во Скопје слично време со максимална температури до 6 степени.
Облачно iи студено со повремени врнежи од снег, особено наутро и претпладне. Врнежите ќе бидат пообилни во западните делови, каде насекаде ќе се формира снежна покривка, а на планините ќе се зголеми. Помала снежна покривка ќе се формира и во останатите делови од земјава, освен во централните подрачја и во долниот тек на Повардарието. Ќе дува слаб до умерен, а вдолж Повардарието засилен ветер од северен правец. Ќе дува умерен до засилен северен ветер, особено вдолж Повардарието.