Варуфакис: Крајниот рок за договор истекува на 30 јуни
Објавено во: Балкан, Економија 29 Мај, 2015
Краен датум за постигнување на договор меѓу Атина и нејзините кредитори - ЕУ и ММФ, истекува на 30 јуни, кога завршува продолжението на планот за укажување помош на Грција, изјавил грчкиот министер за финансии Јанис Варуфакис.
„Според договорот од 20 февруари меѓу Атина и кредиторите нејзиниот план за помош на Грција е со продолжен краен рок 30 јуни, што значи дека до тој датум треба да биде постигнат договорот“, истакнал министерот за финансии пред грчкото радио „VimaFM“.
Варуфакис додал самоуверено дека таквиот договор ќе биде постигнат „брзо“.
„Ние сме подготвени да ги завршиме побрзо преговорите“, изјавил тој, нагласувајќи дека сите преговарачки страни се согласиле „по повеќето прашања“.
Варуфакис сепак ги обвини кредиторите дека инсистираат Атина да води политика на штедење, „која претставува катастрофа за грчката економија“ и за Европа.