ВАЖИ ЗА ПРОРУСКИ ПОЛИТИЧАР: Фицо сепак нема да се противи Украина да почне преговори со ЕУ
Објавено во: Свет 13 Декември, 2023
Словачка нема да се спротивстави на преговорите за пристапување на Украина во ЕУ на претстојниот самит.
Словачкиот премиер Роберт Фицо изјави дека Братислава нема да се спротивстави на преговорите за пристапување на Украина во ЕУ на претстојниот самит на лидерите на ЕУ.
„Ние нема да се спротивставиме на одлуката на Европската унија да започне преговори со Украина. Тоа е политичка одлука што нема никаква врска со реалноста“, им рече Фицо за членовите на Комитетот за европски работи на словачкиот Парламент.
Тој исто така истакна дека Украина не е подготвена за процесот на пристапување, пренесува Укринформ.
Претседателот на Украина Володимир Зеленски денеска изјави дека унгарскиот премиер Виктор Орбан нема причина да го блокира членството на Украина во Европската унија.
Ветото на Унгарија за членството на соседна Украина во ЕУ може да биде симнато доколку ЕУ ги одмрзне досега замрзнатите 30 милијарди евра за Унгарија изјави политички директор од кабинетот на премиерот Виктор Орбан.
Парите за Унгарија ЕУ ги замрзна поради проблемите со владеењето на правото и нарушување на демократските капацитети.