28 Мај, 2020
0.0286

ВЕЛИГДЕН БЕЗ ВЕРНИЦИ: Католичката црква и Евангелско-методистичката црква со богослужби преку Интернет

Објавено во: Македонија 08 Април, 2020

Велигденски миси и богослужби без верници за најголемиот христијански празник Велигден најавија и Католичката црква во Македонија и Евангеслско методистичката црква. Од двете цркви велат дека оваа година Велигден ќе биде многу поразличен и во согласност со настанатата ситуација што ја наметна пандемијата на коронавирусот.

Во пресрет на празникот, кој католичките верници оваа година го слават на 12. април, отец Марјан Ристов од Католичката црква во Скопје вели дека веќе е направен план за оджување како ќе биде организиран.

-Католичката црква во Македонија ќе ги орджи сите велигденски богослужби, но без народ во црквите ширум земјава. Свештените лица од Католичката црква ќе служат миси и на Велики Четврток и на Велики Петок, како и на денот на воскресението Христово, но црквите ќе бидат празни, не се повикуваат верниците да присуствуваат поради состојбата која ја наметна вирусот. Служењето велигденска миса ќе биде пренесувано преку Македонската радиотелевизија, појаснува Ристов за Фактор.

Тој додава дека и до сега, по воведувањето на мерките, Католичката црква преку социјалните мрежи се поврзува со своите верници,бидејчи за сега тоа е едиснтвениот начин. Најважно е здравјето на луѓето, вели Ристов и додава дека на нивната веб-страница ги наведуваат сите информации поврзани со активностите на Католичката црква. Таму е и пораката на бискупот Киро Стојанов упатена до католичките свештеници во која е јасно кажано:

-Драги браќа свештеници и понатаму настојувајте истрајно секојдневно да служите света Литургија во парохиските цркви без народ, како што тоа е пропишано и сè додека важат мерките, прикажувајте ги за сите оние кои ви се доверени во вашата пасторална грижа, посебно болните, тешко загрозените и медицинските лица кои пожртвувано им служат, стои во пораката на бискупт Стојанов.

Вратите и на Евангелско-методистичката црква во Македонија ќе останат затворени за верниците и за време на велигденските празници. Сосема слично како и Католичката црква, протестантските проповедници во земјава ќе ги одржат проповедите но без верници.

Суперинтендентот на Евангелско-методистичката црква во земјава, Марјан Димов, вели дека пораките што ќе ги упатат на Велигден ќе бидат пренесувани преку Интернет.

-Нашата црква секоја недела држи проповеди, но откако беа воведени превентивните мерки, ние се организиравме поинаку за да се приближиме до верниците. Сите неделни проповеди, библискиот час, сето тоа го пренесуваме преку Интернет, а верниците може да ги следат на нашата веб-страница, истакнува Димов за Фактор.

Тој додава, дека уште на почетокот, кога беа воведени првите мерки, се обиделе да издејствуваат да добијат простор, неделните проповеди да бидат пренесувани на Македонската радиотелевизија, пред се заради нивните повозрасни верници кои немаат Интернет и немаат кој да им помогне со новите технологии.

-Тоа до сега не е реализирано, па затоа ние почнавме да печатиме материјали. Проповеди, духовни песни, сето тоа го печатиме и го доставуваме до дома на нашите верници. Имаме цел список на верници на кои им ги доставуваме црковните материјали до домот. Прв пат до сега Велигден ќе го минеме без верници во црквите, но најважно е да се заштитиме од болеста, за да може вратите на христијанските домови да бидат што побрзо отворени, вели Димов за Фактор. 

И Ставот на МПЦ е да се почитуваат мерките од државата, но, Митрополит Тимотеј за Фактор изјави дека нивните заложби се и да се одржуваат литургиите и богослужбите со неколкумина служители и луѓе кои пружаат помош. Сепак верниците не можеме да ги бркаме од храмовите, вели Митрополит Тимотеј за Фактор.

Анита Буховски

Можеби ќе ве интересира

БРОЈОТ НА РАЗВОДИ ЗГОЛЕМЕН ЗА 22 ОТСТО: Дали институцијата брак „умира“?

БРОЈОТ НА РАЗВОДИ ЗГОЛЕМЕН ЗА 22 ОТСТО: Дали институцијата брак „умира“?

ФАКТОР НА ДЕНОТ: Прв ден без полициски час, и нови три жртви од коронавирусот

ФАКТОР НА ДЕНОТ: Прв ден без полициски час, и нови три жртви од коронавирусот

Владината одлука за враќање на работа од 1 јуни не важи за хронично болните и родителите со деца до 10 години

Владината одлука за враќање на работа од 1 јуни не важи за хронично болните и родителите со деца до 10 години

Кој град има најмногу новозаболени од коронавирусот?

Кој град има најмногу новозаболени од коронавирусот?

Продолжува да важи платеното породилно отсуство до завршувањето на времените мерки

Продолжува да важи платеното породилно отсуство до завршувањето на времените мерки

Пановски: Ме плаши зошто е потребно одеднаш да се укине полицискиот час

Пановски: Ме плаши зошто е потребно одеднаш да се укине полицискиот час

Чулев тврди дека отвориле истраги за носители на јавни функции

Чулев тврди дека отвориле истраги за носители на јавни функции

„ЊУЈОРК ТАЈМС“: Неколку лица меѓу кои и екс македонски министер вмешани во злоупотреба со заштитни маски

„ЊУЈОРК ТАЈМС“: Неколку лица меѓу кои и екс македонски министер вмешани во злоупотреба со заштитни маски

ПРАТЕНИКОТ ЗЕКИРИ НАЈРАДОСЕН ПО ВЕСТА - еве што кажа по разрешувањето на реисот Реџепи

ПРАТЕНИКОТ ЗЕКИРИ НАЈРАДОСЕН ПО ВЕСТА - еве што кажа по разрешувањето на реисот Реџепи