Велика Британија и Шпанија пред судир за Гибралтар

Добивај вести на Viber

Велика Британија ја обвинува Шпанија дека сака преку Брегзит да „дојде до земја“”, со претензии кон Гибралтар, и дека сето тоа го прави под закрилата на официјалните насоки за преговорите што ги издаде Европската Унија.

Британски претставник за весникот „Телеграф“ изјави дека тоа е „апсолутно неприфатливо“ и дека на Шпанија и дава поголема моќ над иднината на Гибралтар.

- Човек навистина мора да се запраша зошто ЕУ мислела дека е разумно да стави такво нешто во билатералниот проблем меѓу Шпанија и Велика Британија, рече британскиот претставник.

Шефот на Форин офис, Борис Џонсон, на Твитер напиша дека е задоволен од разговорот со главниот министер за Гибралтар, Фабијан Пикардо, додавајќи дека Велика Британија останува нивна незаменлива и цврста поддршка.

Пикардо предупреди дека  Шпанија не може да го користи Гибралтар како монета за поткусуривање во преговорите за Брегзит.

Проблемот настана околу изјавата на претседателот на Европскиот совет, Доналд Туск, кој кажа дека по Брегзит ниту еден договор меѓу ЕУ и Велика Британија што се однесува на Гибралтар, нема да може да се спроведе без согласноста на Шпанија.

Во минатото доста често доаѓало до меѓусебни провокации на морнариците на Велика Британија и Шпанија околу територијалните води на Гибралтар па за влакно бил избегнуват конфликт.