Венизелос: Новиот данок ќе го сврти целото општество против Владата

Добивај вести на Viber

Грчката влада е подготвена да ублажи некои од законите за даноци кои предизвикуваат несогласувања во коалицијата која ја сочинуваат трите партии, откако синоќа во Брисел, грчките власти ги информирале челниците од еврозоната за планот за откуп на обврзниците. Министерството за финансии соопшти дека ќе откупи обврзници по минимум 30,2 до 38,1 проценти од цената и максимум 32,2 до 30,1 отсто од вкупниот износ во зависност од доспевањето. Целта на овој план е да се намали грчкиот долг за околу 20 милијарди евра. Сепак откако заврши состанокот на еврогрупата, нејзиниот шеф Жан Клод Јункер појасни дека нема да се носат одлуки за доделување на следната транша за Грција се додека не заврши откупот на обврзниците, а најави и дека следниот состанок е закажан за13 декември кога треба да се финализира одлуката. Во меѓувреме во се разговара за новиот предложен данок како една од целите кои ги бараат кредиторите пред да доделат уште финансиски средства на почетокот од следната година. Коалициските партнери ПАСОК и Демократската левица се против најновите планови годишните приходи над 26 илјади евра да се оданочуваат со 45 проценти, а како што изјави за грчките медиум претседателот на ПАСОК Евангелос Венизелос, новиот данок ќе го сврти целото општество против Владата. „Луѓето не можат да го плаќаат тоа. Мора да најдеме алтернативи. Нема шанси законот за данок да дојде до Парламентот во сегашната форма“, изјави лидерот на Демократската левица Фотис Кувелис.