Добивај вести на Viber
По изборниот пораз кој го доживеа владејачката СДСМ, пратеникот и поранешен министер за здравство Венко Филипче, одлучи да почне да реализира средби со граѓаните, членовите и симпатизерите за да ја врати партијата на победничката патека.
„Како што ветив во предизборието, започнувам средби со членовите на СДСМ и граѓаните низ целата држава. Првата средба вчера ја имав во Неготино. На нашите членови и активисти им се заблагодарив за поддршката и ветив дека заедно ќе ја вратиме партијата на победничките патеки.
Тие ги споделија своите мислења за тоа каков СДСМ сакаат да видат во иднина и кои се очекувањата од новото раководство и пратениците.
Членовите бараат пред се поголемо присуство, комуникација и координација на новото раководство и пратениците со членовите. Ова бил и ќе биде мој начин на работа и практикување на политиката. Единство се постигнува само со почитување на мислењата на другите, со многу работа и трпеливо градење на доверба. Мора да ги вреднуваме нашите поддржувачи и овозможиме нивно активно учество во градењето на политиките. Нивната стручност и посветеност треба да се единствено мерило за напредување во партиските органи.
На средбата ги информирав дека отворањето на регионалните канцеларии како иден пратеник е исто така во тек. Таму ќе имам редовни средби и тематски дискусии со граѓаните за креирање на политики. Нашето социјалдемократско семејство подразбира соработка и обединување на мноштво поединци и групи кои веруваат во иделите на социјалдемократијата, слободата, правдата и еднаквоста.
Им благодрам на сите кои дојдоа на средбите и ги споделија своите ставови“, напиша тој на фејсбук.