Вештачката интелигенција ги подобрува резултатите од лекувањето рак во „Аџибадем“

Добивај вести на Viber

„Аџибадем“ е посветена на обезбедување првокласна нега за пациентите со рак по пат на  радиотерапија. Со поддршка од нашиот стручен тим, најсовремена технологија и посветеност на континуирани иновации, обезбедуваме напредни решенија за лекување пациенти од целиот свет во Турција. Секоја година, повеќе од 1.000 меѓународни пациенти од над 50 земји го избираат Одделот за радиотерапија и онкологија на „Аџибадем“ за најнапредно лекување рак.

Радиотерапијата е камен-темелник на лекувањето рак повеќе од еден век. Со секој технолошки напредок, нејзината ефикасност и стапките на успешност постојано се подобруваат. Тие достигнувања поттикнуваат понатамошни инвестиции во оваа област, воведувајќи нова ера на лекувањето рак, обележана со развој на високо софистицирана опрема и техники за радиотерапија.

Една од најпресвртните иновации последниве години е онлајн адаптивната радиотерапија - метод што овозможува приспособување на планот на лекување во реално време врз основа на анатомијата на пациентот во текот на секоја сесија. Овој најсовремен пристап обезбедува оптимална прецизност, овозможувајќи им на клиничарите да го визуелизираат туморот во реално време и да го насочат снопот на зрачење точно таму каде што е потребен и кога е најпотребен.

Радиотерапијата може да се користи како:

• Примарен третман за елиминирање рак,

• Постоперативна интервенција за намалување на ризикот од рецидив,

• Преоперативен метод за намалување тумори или

• Дел од комбиниран пристап со системски терапии како хемотерапија.

Улогата на вештачката интелигенција во радиотерапијата

Вештачката интелигенција (ВИ) ја револуционизира модерната радиотерапија, значително подобрувајќи ја и прецизноста и ефикасноста. Во „Аџибадем“, ВИ се користи во повеќе фази од процесот на лекување за да се подобрат резултатите и безбедноста на пациентите.

Еден од најклучните - и традиционално долготрајни - чекори во радиотерапијата е контурирањето: процес на прецизно скицирање на туморот и околните здрави ткива на медицинските снимки. Прецизното контурирање е од витално значење, бидејќи дефинира каде се насочува зрачењето и кои области мора да се заштитат. ВИ значително ја подобрува брзината, конзистентноста и точноста на овој процес, овозможувајќи високо-целни третмани, а истовремено минимизирајќи ја изложеноста на здраво ткиво.

Вештачката интелигенција, исто така, има витална улога во адаптивната радиотерапија. Во текот на секоја сесија, алгоритмите на ВИ помагаат за повторно контурирање на туморот и соседните органи во реално време, осигурувајќи дека лекувањето динамички се приспособува на моменталната анатомија на пациентот.

Поддржана од овие напредни технологии, радиотерапијата ефикасно се користи за лекување на широк спектар на карциноми, вклучувајќи:

• Рак на дојка

• Тумори на мозок и 'рбет

• Рак на гастроинтестиналниот систем

• Рак на бели дробови

• Рак на простата и на други уролошки органи

• Рак на гинеколошки органи

• Рак на глава и врат

• Рак кај деца

• Меланом, сарком и друго…

На пат кон целосно функционална клиника за онлајн адаптивна радиотерапија

Онлајн адаптивната радиотерапија (ОАР) овозможува прецизна персонализирана нега за пациентите со рак, овозможувајќи плановите на лекување да се усовршуваат во реално време за секоја поединечна сесија. Овој пристап го заменува застарениот концепт на користење еден статичен план низ повеќе третмани, што доведува до подобрена прецизност и подобри резултати кај пациентите.

Професорот Енис Озјар, раководител на Одделот за радиотерапија и онкологија на Медицинскиот факултет при Универзитетот „Аџибадем“, со над 35 години искуство во оваа област, ја истакнува пионерската позиција на „Аџибадем“:

„Горди сме што ја унапредуваме ‘Аџибадем’ на пат да стане целосно функционална клиника за онлајн адаптивна радиотерапија (ОАР). Три од нашите четири апарати за лекување во болницата ‘Аџибадем Маслак’ - Elekta Unity, ViewRay MRIdian и Varian Ethos – имаат можност да пружат онлајн адаптивни третмани базирани на МР или КT. Ние сме меѓу избраната група центри за радиотерапија ширум светот кои нудат такви сеопфатни и напредни можности за ОАР“.

Со оваа технологија, може да се креира нов план на лекување за секоја сесија, целосно приспособен кон моменталната анатомска структура на пациентот. Тоа резултира со попрецизно доставување на дозата и го минимизира ризикот од промашување на туморот - нудејќи подобра заштита за околното здраво ткиво и зголемувајќи ја целокупната ефикасност на лекувањето рак.