Ви треба автомобил? Половните во Србија поевтини за 20 проценти
Објавено во: Балкан, Економија 28 Август, 2016
Купувачите во Србија можат да очекуваат за 20% пониски цени на половните автомобили, оценуваат познавачите.
Се очекува од Германија на пазарот во Србија да завршат 100.000 половни автомобили, затоа што целта на Германија е до 2020 година да го зголеми бројот на електрични автомобили и да го намали загадувањето.
Тоа значи дека возилата од 5.000 евра ќе бидат поевтини за 1.000 евра, а оние кои се продаваат за 2.800 евра ќе паднат на 2.250 евра.
Во Германија сега има 60.000 електрични автомобили, а за четири години тој број треба да се зголеми за 940.000 возила.
Ако се оди според планот, во Србија ќе завршат 100.000 возила кои таму ќе бидат вишок.
Во Србија најголем број од автомобилите се увезуваат од Германија, Франција и Италија, а најмногу се купуваат оние кои чинат од 2.000 до 3.000 евра.