ВИБЕР ГО ИСПОЛНУВА ОНА ШТО ГО НАЈАВИ: Деновиве ќе се активира она што многумина го очекуваа!

Добивај вести на Viber

Во следните неколку дена Вибер ќе ја активира новата фукнционалност Secret Chats (тајни разговори), која ќе им даде дополнителна сигурност и спокојство на корисниците.

Mинатата пролет Вибер претстави енкрипција од крај до крај за гласовни и видео повици, но во некои ситуации е потребно малку повеќе дискреција. Токму поради тоа, Вибер ги создаде Secret Chats (тајни разговори) -разговори со елементи на дополнителна безбедност, врз кои корисниците ќе имаат целосна контрола.

Со оваа функционалност, секој може да се наложи време за кое пораката ќе се појавува во рамките на разговорот, по што исчезнува. Пораките во тајните разговори не можат да бидат препраќани или зачувани како фотографија на екран во телефонот и не се појавуваат како известување во разговорот. Истовремено со тоа целата комуникација останува шифрирана од крај до крај во рамките на Вибер .

Секој корисник може да води два паралелни разговори со одреден човек или група во исто време - еден обичен разговор и еден таен разговор. Започнување на таен разговор во рамките на обичен нема да го избрише или замени обичниот разговор, а ќе се оформи како нов.

Тајните разговори се уште еден начин кој корисниците на Вибер ќе можат да одлучат за слободна и безбедна врска. Целта на Вибер е да развива функционалности, кои ќе им обезбедат на корисниците комуникација без ограничувања и флуктуации.