(ВИДЕО) ЦРН ДЕН ВО УКРАИНА: Во руски напад на Полтава загинаа педесетина луѓе

Добивај вести на Viber

Во руски напад во Полтава во Украина загинаа педесетина луѓе. 

„Четириесет и девет луѓе загинаа, а 219 се повредени во денешниот голем руски напад со балистички проектили врз Полтава“, објави портпаролот на украинското Министерство за одбрана, Дмитро Лазуткин.

Украинскиот претседател Володимир Зеленски порача дека Русите ќе одговараат за Полтава. Притоа, од Западот побара повеќе оружје за противвоздушна одбрана и побара западно оружје со долг дострел за гаѓање на цели длабоко во Русија.

„Постојано говориме на сите во светот кои можат да го запрат овој терор – системи за противвоздушна одбрана и проектили се потребни во Украина, а не во некое складиште. Удар со долг дострел кои би можеле да нè заштитат од рускиот терор се потребни сега, а не подоцна. За жал, секој ден доцнење значи губење на животи. Русите дефинитивно ќе одговараат за овој напад“, напиша Зеленски на Икс.

Полтава е оддалечена околу 140 километри од руската граница.  Во Полтава е прогласена тридневна жалост.

Рускиот претседател Владимир Путин е во посета на Монголија, но оваа земја не го уапси иако за него има потерница за воени злосторства. 

„Монголија е во ситуација на енергетска зависност, што го отежнува апсењето на рускиот претседател Владимир Путин по налог на Меѓународниот кривичен суд во врска со воените злосторства во Украина“, изјавија од монголската влада.