Добивај вести на Viber
Ружица Миленовиќ, жената чиј портрет се наоѓаше на банкнотата од 1000 динари, која беше во оптек во поранешна Југославија од 1975 до 1990 година, непријатно се изненадила кога открила дека нејзиниот лик неовластено се користи на пакување за брашно.
Како што јавува српски Блиц, на Миленковиќ не и пречи самиот производ, туку фактот што никаде не стои името на авторот на сликата, нејзиниот сопруг и познат сликар и графички дизајнер Андреја Миленковиќ.
„Една роднина која го купува тоа брашно веднаш ми јави дека производителот на пакувањето го ставил ликот од мојата банкнота. Бев возбудена затоа што од почеток не претпоставував дека ликот всушност е украден и дека никаде не стои името на мојот сопруг“, вели Ружица, на која не и е јасно како и Народната банка на Србија, како правен наследник на југословенската централна банка, дозволува ваква злоупотреба на банкнотите што веќе не се во оптек.
Ликот на девојката која во рацете држи грозд, а зад неа се наоѓа комбајн кој жнее пченица, сликарот Миленковиќ го направил според ликот на својата сопруга Ружица. Денес таа се бори против системот за да го зачува авторското право на нејзиниот покоен сопруг.
Додека беше во оптек, цели 15 години, оваа банкнота ниту еднаш не беше фалсификувана, бидејќи е создадена со 40.000 нијанси на сива боја што ја прави исклучително тешка за прецизна репродукција.
http://www.youtube.com/watch?v=vEIUFl6sl0g