(ВИДЕО) Десетици загинати во експлозија на гробот на генерал Сулејмани
Објавено во: Свет 03 Јануари, 2024
Неколку десетици луѓе загинаа во експлозија во иранскиот град Керман, во близина на гробиштата каде што беше погребан поранешниот командант на иранската револуционерна гарда Касем Сулејмани, јавија денеска иранските државни медиуми.
Локалните служби за итни случаи соопштија дека во нападот загинале 73 лица, а 170 се повредени. Меѓу загинатите има и шест деца.
Според иранската новинска агенција ИРНА, во Керман се слушнале две експлозии по повод четвртата годишнина од атентатот на иранскиот генерал Касем Сулејмани. Локалните власти соопштија дека се работи за терористички напад.
На вознемирувачката снимка се гледа како голем број луѓе лежат на улиците, на местото на несреќата пристигнуваат амбулантни, полициски и воени возила, како и метеж по улиците.
Генерал-мајор Касем Сулејмани, кој две децении ги предводеше иранските сили Кудс и беше шеф на надворешните операции на Корпусот на Исламската револуционерна гарда (ИРЦГ), беше убиен во американски воздушен напад во близина на Багдад во јануари 2020 година.