(ВИДЕО ФАКТОР24) Блерим Река: Македонците имаат суфицит на етнички национализам а дефицит на државен патриотизам
Објавено во: Македонија 25 Мај, 2017
Контурите на идната влада се поставени. Мандатарот Зоран Заев до крајот на неделава, најверојатно и официјално ќе ги промовира идните министри. Се очекува во текот на идната седница, спикерот Џафери да закаже седница на која ќе се избере новата влада.
Досегашниот премиер Никола Груевски како да не може да се помири со фактот дека повеќе не е дел од извршината власт, па бара од техничките министри во владата на Димитриев да му реферираат за досегашните проекти.
Специјалното јавно обвинителство во меѓувреме отвори три нови предмети од кои во два првоосомничен е лидерот на ВМРО ДПМНЕ.
Катица Јанева побара замрзнување на имотот на најголемата опозициска партија ВМРО ДПМНЕ.
Во синоќешната емисија на ФАКТОР24 гостуваа екс пратеникот и висок функционер на ВМРО ДПМНЕ, иден амбасадор на Македонија во ЕУ Александар Николовски, екс македонскиот амбасадор во ЕУ Блерим Река и поранешниот специјален владин претставник во ЕУ Дејан Ѓоршоски.
„За жал СЈО е фокусирано само на една политичка партија, на ВМРО ДПМНЕ, одреден број на луѓе, кои се во раководството и тоа е еден впечаток кој што не може да се избегне. Она што можам да го кажам во однос на ВМРО ДПМНЕ е дека партијата работи согласно македонските закони и се финансира на ист начин како што се финансираат сите политички партии во Македонија.
СДСМ го напаѓа ВМРО ДПМНЕ употребувајќи го Специјалното јавно обвинителство. Никола Груевски има мандат и е избран на конгрес и во овој момент не гледам ниту една причина зошто би се случила промена на претседателското место. Груевски и во наредниот период ќе остане лидер на ВМРО ДПМНЕ“-ова се дел од поентите изјавени од екс пратеникот и висок функционер на ВМРО ДПМНЕ, иден амбасадор на Македонија во ЕУ Александар Николовски кои можевте да ги слушнете во синоќешната емисија на Фактор.24 .
Екс македонскиот амбасадор во ЕУ Блерим Река вели дека двегодишната политичка криза е битка меѓу брзите избори и спората правда.
„Пржинскиот договор и препораките од Прибе за жал морам да констатирам од досегашната власт беа третирани како мени „а ла кард“ од кое тие го извлекуваа она што им одговараше но не и тоа што требаше да го спроведат и затоа тие се концентрираа на што побрзи избори и да се формира влада за да се одложи функционирањето на специјалното јавно обвинителство“.
„Проблемот кај Македонците е што имаат суфицит на етнички национализам а со жалење констатирам дефицит на државен патриотизам. Се плашам дека од преголема љубов кон нацијата можат да ја изгубат државата“, вели Блерим.
На 27 април тој вели дека Македонија имала два народи, наислниот народ кој удираше врз избраниот народ кој крвавеше.
Река смета дека е крајно време Македонија да го смени целиот ментален склоп и да формира општество во кое сите ќе бидат рамноправни.
Целата емисија може да ја погледнете во видеото:
Фактор24 е економско-политички магазин во изработка на порталот Фактор.мк
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ЕВЕ ВО КАКВА СОСТОЈБА Е ВОДАТА ПО САНИРАЊЕТО НА ДЕФЕКТОТ: Се огласија од Водовод
ЗА СЕКОГО ЌЕ НАЈДЕШЕ ДОБАР ЗБОР, СВЕТОЛ ПАТ ДРАГ ЧОВЕКУ: Професорката Малеска се прости од професорот Арнаудовски
БАБА ЗИМА ЌЕ УДРИ СИЛНО: Попоски најавува многу снег и силен ветер, од утре длабок и многу студен Средоземен циклон од утре доаѓа во Македонија!
ДА СУМ НА МЕСТОТО НА ГРУБИ И ЈАС ЌЕ ИЗБЕГАМ: Калајџиев кажа што го тера да го брани поранешниот вицепремиер
НЕМА ПОПУШТАЊЕ, НОВ ЗАКОН ЗА СРЕДНО ОБРАЗОВАНИЕ СЕПАК ЌЕ ИМА: Но ќе биде со подобрен текст
ЈА ИЗЛАЖАЛ ДЕКА НЕЈЗИНАТА ЌЕРКА НАПРАВИЛА СООБРАЌАЈКА СО СМРТНИ ПОСЛЕДИЦИ - постара жена измамена за 28 илјади евра, МВР го расчистува случајот
„АРТАН ГРУБИ ПОВЕЌЕ НЕ Е ДЕЛ ОД ДУИ“??? - дали е блеф или матичната партија се откажува од еден од своите најистурени играчи
ЏЕВДЕТ ХАЈРЕДИНИ ПОВТОРНО СО ОСТРА КРИТИКА - „Обвинителите и судиите биле позаробени и покорумпирани отколку што сме мислеле“
ДВАЈЦА МЛАДИ МАКЕДОНСКИ ЛЕКАРИ НЕСЕБИЧНО СПАСУВАА ЖИВОТИ НА НАСТРАДАНИТЕ ВО НАПАДОТ ВО МАГДЕБУРГ - горда е македонската амбасада на нашата дијаспора
