(ВИДЕО-ФОТО) Десетици жртви и стотици повредени по експлозиите во кинескиот град Тијанџин

Добивај вести на Viber

Најмалку 44 лица загинаа, а стотици биле повредени во моќните експлозии во складиште со лесно запаливи материјали во кинескиот пристанишен град Тијанџин, пренесоа светските агенции, повикувајќи се на кинески претставници и државните медиуми.

Меѓу загинатите има 12 пожарникари. Повредени се 520, од нив 66 се во тешка состојба.

Експлозиите доцна синоќа ги искршиле прозорците и ги откорнале вратите на зградите во реонот.

Агенција Ксинхуа јави дека првата експлозија, која според полицијата во Тијанџин се случила во магацин за опасни материјали, сопственост на логистичка компанија, предизвикала експлозии. Ударен бран бил почувствуван неколку милји далеку.

Националното сеизмолошко биро соопшти за две големи експлозии пред полноќ, првиот од кои одговара на три тони тринитротолуол (ТНТ), а втората е со еквивалент 21 тони. Двете експлозии со интервал од околу 30 секунди, соопштија Си-Си Ти Ви и државната агенција Ксинхуа.

„Помислив дека има земјотрес и се истрчав надолу по скалите без чевли“, раскажува жителка на градот, чиј дом се наоѓа на неколку километри од местото на експлозијата. „Имаше огромен метеор во небото и густите облаци“.

Во социјалните мрежи се шират фотографии на кои се гледа гигантска огнена топка и облак со форма на сунѓер. На други фотографии, прикажани од државните медиуми, се гледаат огнено Море, од што ноќното небо изгледа светло портокалово, и високи столбови чад.

Во соседството на Тијанџин на околу 10-20 километри од местото на експлозиите, некои жители спијат на улица со маски.

Си Си Ти Ви соопшти дека на местото биле испратени околу 100 противпожарни возила. Пожарникарите го локализираат пожарот, но тој се уште беснее.

Тијанџин се наоѓа на околу 120 километри источно од Пекинг на Жолто Море и е едно од најголемите пристаништа во земјата.