(ВИДЕО-ФОТО) Експлозија и силен пожар на нафтена платформа во Мексико зедоа повеќе жртви
Објавено во: Свет 01 Април, 2015
Експлозија на нафтена платформа на мексиканската државна компанија „Пемекс“ во Мексиканскиот залив предизвика силен оган на неа и го одзеде животот на најмалку четворица работници, соопштија светските агенции.
Според последните податоци уште 16 лица се повредени, а 300 биле евакуирани, соопштија американските медиуми, повикувајќи се на раководството на компанијата.
Првичните податоци беа за 45 повредени.
Пожарот се случил на платформата „Абкатун Алфа“, лоцирана по должината на бреговите на американската сојузна држава Кампече, во југоисточнo Мексико.
Во гаснењето на огнот учествувале екипи на осум бродови за гасење пожари.
Повредените биле пренесени со хеликоптер во болница на градот Сиудад дел Кармен.
Засега од компанијата која ја поседува платформата не е објавена никаква информација за можните причини за пожарот.
Платформата Абкатун е изградена во 2013 година и произведувала најмалку по 300.000 барели нафта на ден.