(ВИДЕО) ХАОС ВО ПАРАГВАЈ: Демонстранти извршија државен удар, запалена зградата на Конгресот
Објавено во: Свет 01 Април, 2017
Демонстранти го запалиле парагвајскиот Конгрес откако Сенатот тајно изгласал промени на Уставот со кој на претседателот Хорацио Картес му се дозволува повторно да се кандидира.
Неколку политичари и новинари се повредени, соопштија медиумите, а министерот за внатрешни работи Тадео Рохас рекол и дека неколку полицајци се повредени.
Еден член на домот на Конгресот, кој учествувал на протестите, бил пренесен во болница на хируршки зафат поради повредите кои му ги нанеле гумените куршуми.
Парагвајскиот Устав од 1992 година забранува повторна кандидатура, откако во 1989 година е симнат бруталниот диктатор.
„Извршен е државен удар. Ќе пружиме отпор и го повикуваме народот со нас тоа да го направи“, рекол сенаторот Десире Маси од опозиционата партија Прогресивна демократска партија.