(ВИДЕО) ИЗРАЕЛ НЕ КОМЕНТИРА: Хамас вели дека израелските војници ваделе органи од загинатите Палестинци
Објавено во: Свет 27 Декември, 2023
Палестинската терористичка група Хамас бара меѓународна истрага за страшни воени злосторства. Тврдат дека Израелците ваделе органи од телата на загинатите Палестинци.
Израелските власти вчера ги предадоа телата на 80 Палестинци кои беа убиени при копнената офанзива во Газа. Од Хамас велат дека при прегледот на телата е откриено дека нивната форма била значително изменета поради кражба на витални органи, пренесува Анадолија.
Израелската армија ги предала телата без имиња и одбила да прецизира од каде се донесени, поради што Министерството за здравство на Газа сè уште се обидува да ги идентификува. Израел не коментира. Хамас го критикуваше „молкот на меѓународните организации кои дејствуваат во Газа, вклучително и Црвениот крст, во врска со таквото страшно злосторство од страна на окупаторите“.Турскиот претседател Реџеп Тајип Ердоган кажа денеска дека израелскиот премиер Бенјамин Нетанјаху не се разликува од Адолф Хитлер и ги спореди нападите на Израел врз Газа со нацистичкото прогонство на Евреите. Од 7 октомври, Хамас и Израел се во војна.
фото: принтскрин