ВИДЕО: Како беше спасен дедо Павле - се траеше доста кратко!
Објавено во: Македонија 09 Февруари, 2022
Дедо Павле од селото Галичник е спасен и префлен во болница откако специјалната единица Тигар со хелихоптер успеа да го извлече од непристапниот терен. Денеска МВР извести дека повикот бил упатен до Центарот за управување со кризи. СЕ барало помош за дедо Павле кој е изнемоштен лице. Спасувачката мисија завршила за кратко време.
„Припадниците на специјализираниот алпинистички тим на САЕ Тигар заедно со колегите од Хеликоптерската единица денеска (09.02.2022) во периодот од 07.00 до 10.00 часот извлекоа жител на село Галичник, а поради снежните навеви на патиштата кон селото, тимот на САЕ„Тигар“ беше принуден да се спушти на локацијата во Галичник, користејќи специјална опрема за спуштање и кревање од хеликоптер, стои во известувањето.
Полициските службеници го подготвиле за транспорт, го ставиле во хеликоптер и го транспортирале до ГОБ „8 Септември“ во Скопје. Од МЗ Галичник исто такаинформираа дека мисијата е успешна.
„Во неможност медицински екипи да пристигнат во Галичник поради големи снежни наноси, извлекувањето е направено со имобилизација и повлекување од воздух. Дедо Павле безбедно пристигна во Скопје, згрижен е во Болницата 8ми Септември и му посакуваме брзо закрепнување!“, информираат од МЗ Галичник.