(ВИДЕО) КАНАДА: Почина повредениот војник во Отава, следете ја ситуацијата во живо!

Добивај вести на Viber

Во престрелката е повреден член на обезбедувањето пред зградата на Парламентот во Канада, а полицијата убила најмалку еден напаѓач.

Војникот, кој го рани непознатиот напаѓач пред споменикот на паднатите жртви во војната, во центарот на Отава, починал, еден член од обезбедувањето пред зградата на Парламентот е повреден, а полицијата убила најмалку еден напаѓач, соопштено е од кабинетот на канадскиот министер за имиграција Јејсон Кени,

„Му изразувам сочуство на семејството на убиениот војник, а упатувам молитви за стражарот кој е повреден. Канада нема да биде исплашена“, изјавил канадскиот министер.

Откако ја отворил вратата во близина на споменикот на канадските жртви во војната, напаѓачот избегал во зградата на Парламентот, во кој биле неговите членови, на редовна седница.

Сведоците на тој напад тврдат дека полицијата фатила еден осомничен.

Се верува дека со себе имал автоматско оружје.

Три пациенти се во болница

Канадскиот премиер ја напуштил својата канцеларија и е на безбедно.

Портпаролот на болницата во Отава рекол дека примиле тројца пациенти, од кои два се во стабилна состојба.

Зградата на Парламентот во Отава и понатаму е затворена.

Во изјавата за Ај Џезира, сенаторот Џим Мунсон, кој се наоѓа во зградата на Парламентот рекол: „Зградата е блокирана целосно. Луѓето се потресени. Ваков терористички напад изгледаше како невозможен. Колку  што јас разбирам, еден напаѓач е убиен, а можно е дека во прашање се тројца напаѓачи.

Репортер на Globea, кој исто така е во Парламентот, кажал за Ал Џезира дека е видено тело на подот после пукањето, но дека не се знае идентитетот на жртвата.

Полицијата не ги потврдила овие детали, но е соопштено дека трае потрагата по едно или повеќе лица и дека се истражуваат неколку инциденти пукање кај споменикот, Парламентот и во близина на шопинг центарот Ридо.

Подигнато ниво на закана од тероризам

Снимките во живо покажуваат полиција и колана итната помош на местото на настанот.

Канада подигна ниво на закана од тероризам од најмало до средно неколку часа пред нападот.

Највисокото ниво беше воведено пред четири години.

Овој инцидент се случува два дена откако во Квебек двајца канадски војници се прегазени, а еден од нив починал.

На ОВОЈ ЛИНК може да следите што се случува во Отава во живо!