(ВИДЕО) Македонците од Калгари го осудија Законот за јазици и бараат прекин на преговорите со Грција
Објавено во: Македонија 18 Март, 2018
Македонците во Калгари, Канaда организираа протест на кој најостро го осудија изгласувањето на Законот за јазиците. Тие побараа од македонската Влада да ги прекине преговорите за името со Грција.
„Ние, собраните Македонци кои живемее во Калгари, Канада, најостро го осудуваме изгласувањето на Законот за јазиците знаејќи дека истиот ќе го продлабочи јазот и етничките тензии помеѓу албанската заедница и остатокот на македонското општество. Исто така, бараме од македонската Влада итно да ги прекине преговорите за името со Република Грција под покровителство на Обединетите Нации, зошто истите ги кршат македонските чковекови права за самоидентификација и го презираат дигнитетот и достоинството на македонската нација каде и да сме. Затоа, бараме Македонската влада да изнајде алтернативни решенија кои ќе резултираат со влез во Обединетите Нации на Република Македонија под нашето уставно име“- велат организаторите на протестот во Калгари.
Организаторите рекоа дека иако Македонците кои живеат во Калгари се малубројни, сепак се решителни и цврсто ќе го бранат својот став.