ВИДЕО: „МИ РЕЧЕ ДЕКА НЕ БИЛА СВЕСНА ЗА ОДНОСИТЕ МЕЃУ МАКЕДОНИЈА И БУГАРИЈА“: Македонскиот пејач кој беше на сцената со Цеца даде објаснување за ситуацијата со знамето
Објавено во: Македонија 02 Ноември, 2025 11:11
Македонскиот пејач Мики Секуловски, познат по учеството во музичкото шоу „Ѕвездите на Гранд“, се огласи по инцидентот со бугарското знаме на концертот на Цеца Ражнатовиќ во Велес, кој предизвика бурни реакции во јавноста.
Во видео-обраќање на социјалните мрежи, Секуловски објасни дека ситуацијата се одвила ненадејно и дека во прв момент не забележал дека пејачката држи бугарско знаме.
„Мислев дека во рацете има некаков постер или транспарент со нејзина фотографија. Дури кога публиката почна да реагира, сфатив што навистина држи. Веднаш се доближив и го тргнав знамето,“ рече Секуловски.
Пејачот додаде дека Цеца била збунета и дека не сфатила што се случува, а реакцијата на публиката веќе била видливо вознемирена.
„Можеби требаше побрзо да реагирам, но навистина не забележав во првиот момент. Ми беше важно да ја смирам ситуацијата, не да ја разгорам,“ нагласи тој.
Секуловски изрази жалење што непријатната сцена го засенила концертот:
„Навистина жалам што се случи ова. Никој не очекуваше на концерт во мојот град да се појави бугарско знаме. Публиката имаше право да биде револтирана,“ рече тој, додавајќи дека по настапот имал краток разговор со Цеца.
Според него, пејачката изразила жалење и објаснила дека не била свесна за чувствителноста на односите меѓу Македонија и Бугарија.
„Ми рече дека не ѝ била намера да предизвика провокација и дека жали што публиката така го доживеала моментот,“ откри Секуловски.
По реакциите во јавноста, Цеца Ражнатовиќ излезе со свое обраќање, истакнувајќи дека не сакала да навреди никого.
„Секогаш со радост прифаќам знамиња од моите обожаватели, без разлика од каде се. Нас нè поврзува љубовта кон песната, не политиката. Жал ми е ако некој се почувствувал повредено – тоа навистина не беше моја намера,“ рече таа.
Ражнатовиќ додаде дека инцидентот не влијаел на атмосферата во салата и дека концертот продолжил во позитивен дух.
„Сите што бевме таму, знаеме што навистина се случи. Љубовта меѓу мене и мојата публика останува иста,“ порача пејачката.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Исповед на Надалина, ќерката на актуелниот градоначалник на Кочани која ја преживеа трагедијата: Последната слика на која се сеќавам е луѓе како врескаат, обидувајќи се да излезат
(ВИДЕО) ОГРОМНА ПУКНАТИНА ВО ЛИПКОВО: Жителите се вознемирени
Прекршочна за Менди Ќира и Општина Струга: На прославата за Денот на алабнското знаме изостана македонското знаме
ЛЕКОВИ, ЦИГАРИ, ЖЕСТОКИ ПИЈАЛОЦИ, ЌИЛИМИ - Цариниците со голема заплена, еве каде биле скриени предметите
КАКО ЌЕ ВОЗАТ АВТОБУСИТЕ НА ЈСП ВО ПОНЕДЕЛНИК? Еве како празнично ќе се работи
Се огласи Зоран Заев: Никола, до сега ќе си го одлежеше затворот и ќе беше слободен во Македонија
„АКО ИТАЛИЈА СЕ СПРАВИ СО КОЗА НОСТРА, МОЖЕМЕ И НИЕ СО МАФИЈАТА НА ВМРО-ДПМНЕ“: Филипче најави „бомби 2.0“
КРИВИЧНА ПРИЈАВА ЗА ДИРЕКТОРКА НА СРЕДНО УЧИЛИШТЕ ОД ДЕЛЧЕВО - МВР ја товари за „фалсификуван тест за англиски“
ЕУ ДА ИЗВРШИ ПРИТИСОК ВРЗ ТИЕ ШТО ГО БЛОКИРААТ ПРОЦЕОТ НА ПРОШИРУВАЊЕ: Николоски - Македонија одамна засужила да ги почне преговорите
