(ВИДЕО) Нелегално поставена биста на Сноуден во Њујорк

Добивај вести на Viber

Мала група уметници поставила биста на Едвард Сноуден во паркот на Бруклин во Њујорк, но властите брзо ја тргнаа, пренесоа американски медиуми.

Туристи и локални жители се сликале пред бистата со тежина од околу 40 килограми, поставена пред изгрејсонцето во паркот Форт Грин. Бистата беше поставена до колоната од меморијалот на 11 500 американски воени затвореници, кои загинаа во заробеништво на британски бродови во Војната за независност (1775-1783 година).

Анонимните уметници објасниле за сајтот „Mashable“ дека местото било избрано намерно, за да го прикаже Сноуден „како продолжение на приказната, која започна со раѓањето на оваа земја, која е изградена врз идеалите за човекот да живее слободно и да не биде затворен или следен од својата влада“.

31-годишниот американски компјутерски специјалец Едвард Сноуден е поранешен соработник на американската Агенција за национална безбедност. Во 2013 година тој откри детали за голем број американски програми за масовно електронско следење. Тој е обвинет за шпионажа од американските власти и живее во егзил во Русија.