Добивај вести на Viber
Холивудскиот актер Џорџ Клуни во Венеција се венча со неговата избраничка, британската адвокатка со либанско потекло Амал Аламудин. Иако се најавуваше дека церемонијата ќе биде в понеделник, нестрпливите младенци уште денеска го кажале судбоносното „ДА“.
„Свадбата на годината“, како што ја најавија италијанските медиуми, сепак трае цели четири дена, а на неа се поканети и многу познати холивудски ѕвезди, пријатели на актерот.
По венчавката, новите г-дин и г-ѓа Клуни со бродови заминале на забавата која се очекува да трае до доцна вечерва.
http://www.youtube.com/watch?v=M4YViLByvaY
Аламудин е исто така своевидна ѕвезда во адвокатскиот свет, позната по многу важни случаи, како што се застапувањето на поранешната украинска премиерка Јулија Тимошенко и наосновачот на Викиликс Џулијан Асанж.
Свадбата секако не е скромна - венчавката се одржа во венецијанска палата од 16-от век, а прославата е во ултра-луксузен хотел со седум ѕвездички. Клуни и Аламудин на своите 150 гости се обидоа да им организираат вистински свадбен спектакл во Венеција.
Младенците постојано во чекор ги следат папараци, а многу туристи викендов се упатија кон Венеција во обид да „ѕирнат“ дел од церемонијата заради која беше затворен целиот центар на градот.