(ВИДЕО) Русите објавија која е жената која ја ликвидирала Дарја Дугина

Добивај вести на Viber

Се појавија видеа од Украинката Наталија Вовк, жената за која Русите тврдат дека ја ликвидирала Дарја Дугина, 29-годишна новинарка и ќерка на познатиот руски политички филозоф, ултранационалистички руски идеолог Александар Дугин.

Службата за безбедност на Русија ФСБ ги обвини украинските тајни служби дека стојат зад експлозијата во која загина Дугина. 

Дугина загина кога експлозивна направа го разнела автомобилот Toyota Land Cruiser што го возела. Се смета дека вистинската мета бил самиот Дугин, филозоф со големо влијание врз Кремљ. 

Вовк е родена во 1979 година. Русите објавија и видео за кое тврдат дека се гледа како таа ја преминува руската граница, влегува во зградата во која живеела Дарја Дугина и заминува за Естонија.

Руската служба тврди дека жената и нејзината ќерка пристигнале во Русија во јули и го подготвувале нападот со месеци. Тие изнајмиле стан во истиот станбен комплекс во кој живее Дугина и го истражувале нејзиниот начин на живот. 

Советникот на украинскиот претседател Володимир Зеленски, Михаило Подољак изјави дека „руската пропаганда живее во измислен свет“.

„Според нив, Украинка и нејзиното 12-годишно дете се виновни за кревањето во воздух на автомобилот на пропагандистот Дугина. Изненадувачки, не нашле естонска виза на лице место“, објави Подољак на Твитер.

Како што наведе тој, „отровните змии во руските специјални служби започнаа борба меѓу себе“.

FSB has published a video with footage of Daria Dugina assasin. How Vovk enters Russia, settles in the same house with the victim and leaves for Estonia. pic.twitter.com/h34dZZwuzf

— Dan Reznik (@reznikWSWS) August 22, 2022