(ВИДЕО) Сауни, солени соби, златен мебел – невиден луксуз во украинското Министерство за финансии!

Добивај вести на Viber

По смената на власта во Украина започнаа да се откриваат многу афери што се случувале за време на владеењето на Виктор Јанукович, но особено внимание предизвика откривањето на луксузот во кој со години живееле украинските политичари. Но, меѓу последните откритија не се наоѓа некоја резиденција, туку самата зграда на украинското Министерство за финансии, која исто така криела огромен луксуз, но и невкус. Сауни, базени, сали за бокс, позлатен мебел, насликани ѕидови и плафони биле пронајдени во Министерството откако го напуштиле членовите на претходната влада. Несоодветниот луксуз за повеќето осиромашени Украинци е нешто за што не се осмелувале ниту да сонуваат. Сега зградата на Министерството за финансии наликува на музеј, пред кој граѓаните во редици чекаат за да видат во каков луксуз живееле и „работеле“ нивните политичари. Еве како изгледа „луксузното“ министерство, од кое избега министерот за финансии и сите негови најблиски соработници: http://www.youtube.com/watch?v=Bp7DF_98lzo