(ВИДЕО) „Се гледаме утре и секој ден, додека нема правда“ — силна порака од Нови Сад во чест на жртвите од трагедијата

Добивај вести на Viber

Со натписот „Се гледаме утре и секој ден, додека нема правда“, студентите вечерва спуштија транспарент на Петроварадинската тврдина, завршувајќи го големиот комеморативен собир посветен на 16-те жртви од трагедијата што се случи пред една година, кога се урна настрешницата на железничката станица во Нови Сад.

Во знак на сеќавање, од чамец на Дунав беа пуштени 16 лампиони, додека собирот на кејот заврши мирно и достоинствено, со аплауз и минута молк.

Završen komemorativni skup u Novom Sadu.

Studenti su na Petrovaradinskoj tvrđavi razvili transparent na kom piše "Vidimo se sutra i svakog drugog dana dok ne bude pravda". pic.twitter.com/7l4KseYuHS

— Razglas news (@razglasnews) November 1, 2025

Претходно во текот на денот, уште од раните утрински часови, групи граѓани од 16 различни локации пеш се упатија кон железничката станица, каде што се одржа 16-минутен молк, проследен со обраќања на јавни личности и блиските на загинатите.
Особено емотивен беше настапот на мајката на Стеван Хрка, еден од младите кои го загубија животот, која најави дека од утре ќе започне штрајк со глад во Белград, во близина на таканаречениот „Чачиленд“.

На собирот во Нови Сад присуствуваа илјадници граѓани од цела Србија, меѓу кои и групи што пеш пристигнаа од Белград, Нови Пазар, Шумадија и други места.
Комеморативни настани организираше и српската дијаспора во повеќе европски градови, а поддршка пристигна и од Загреб, каде студенти се собраа пред Амбасадата на Србија.

Во Србија денеска е прогласен ден на жалост во чест на 16-те млади животи што трагично згаснаа.