(ВИДЕО) ШОК ПРЕДВИДУВАЊЕ НА ДАНСКИ АНАЛИТИЧАРИ: Цената на биткоинот ќе се вивне до небо, на крај ќе му пресудат две земји!
Објавено во: Економија 01 Јануари, 2018
Данската Саксо банка е позната по “шокантните“ новогодишни прогнози. Оваа година се предвидува дека Русија и Кина ќе ја урнат вредноста на биткоинот и ќе престанат да тргуваат со нафта во американски долари.
Банката предвидува дека вредноста на криптовалутата ќе се зголеми тројно на 60 000 долари при што пазарната капитализација ќе надмине билион долари, но после тоа Кина и Русија заедно ќе го нападнат биткоинот.
„Раст на вредноста на биткоинот и на другите дигитални валути е еден од најспектакуларните феномени на финансиските пазари во последните години. Во текот на најголемиот дел на 2018 биткоинот ќе продолжи да расте и тоа многу, но Русија и Кина ќе почнат заедно да произведуваат нагло паѓање на криптовалутата“, предвидува данската банка. Поради тоа нејзината вредност до 2019 година ќе падне на 2 000 долари.
„Кина веќе стана далеку најголем увозник на сирова нафта во светот и многу важни извозници на чело со Иран и Русија-ќе бидат пресреќни да тргуваат во јуани“, предувидува Саксо банка.
Најновите податоци покажуваат дека Русија е најголем извозник на нафта во Кина.