(ВИДЕО) Што договорија Заев и Ана Брнабиќ во Полска?
Објавено во: Македонија 05 Јули, 2019
Граѓаните двојно помалку ќе чекаат на граничниот премин Табановце.
Премиерот Зоран Заев и неговата српска колешка, Ана Брнабиќ, денеска имаа средба на маргините на Самитот за Западен Балкан што се одржа во Познањ, Полска и разговараа за забрзување на динамиката на финализирање на работите на One Stop Shop пунктот на граничниот премин Табановце.
За оваа цел ќе биде наменет и дел од грантот во висина од 2,8 милиони евра, од вкупните 42,7 милиони евра што нашата земја ги доби на Самитот во Познањ во рамките на Берлинскиот процес, кој претставува платформа за европски дијалог и соработка, која дава поддршка на политиката на проширување на ЕУ на земјите од регионот.
Заев и Брнабиќ како приоритетни ги издвоија и проектот за авторизирани економски оператори, кои Северна Македонија и Србија ги воведуваат како први земји во регионот и од кои се очекува да се олесни трговската размена, како и да се постават повисоки стандарди во регионот, комплементарни со оние на ЕУ, кога станува збор за раст на трговијата во регионалната соработка.
Тие ја поздравија и започнатата соработка и во размена на искуства и ноу-хау во дигиталните технологии.