(ВИДЕО) ТРАМП И ПОРАЧА НА МИШЕЛ ОБАМА: Ќе видиш нешто што не си видела со децении

Добивај вести на Viber

Новоизбраниот американски претседател Доналд Трамп рече дека Америка е полна со надеж после неговиот избор, како одговор на првата дама Мишел Обама која претходниот ден оцени дека токму надеж е она што и недостасува на Америка после победата на Трамп.

„Мишел Обама во петокот рече дека нема надеж, но мислам дека говореше за минатото, не за иднината. Уверен сум дека постои огромна надеж, а со надежта имаме огромен потенцијал. Ќе види работи кои не ги видела со децении, и таа но и сите вие, цела Америка“, изјавил Трамп на собирот во Аризона.

Во интервју со Опра Винфри Мишел Обама изјавила дека Америка влегла во мрачна фаза со изборот на Доналд Трамп.

„Сега гледаме што значи кога немате надеж. Надежта е нужен концепт. Барак не говореше за надежта бидејќи мислеше дека тоа е добар слоган за собирање гласови. Што им пружате на своите деца, ако не им пружате надеж?“, рекла таа одговарајќи на прашањето за два мандати на Барака, избран со пораката “надеж и промени“.

Релативно дискретна по изборот на Трамп како наследник за нејзиниот сопруг, Мишел во текот на кампањата изнела обвинувања против републиканскиот кандидат и посебно за неговиот став кон жените.