(ВИДЕО) Трамп наместо бомбардирање поинаку ќе го решел проблемот
Објавено во: Свет 25 Март, 2019
Претседателот на САД, Доналд Трамп, на почетокот на октомври 1999 година беше гостин во шоуто на Лари Кинг на Си-ен-ен и зборуваше за бомбардирањето на НАТО врз Сојузна Република Југославија, кое заврши неколку месеци пред тоа.
Трамп тогаш порача дека бомбардирањето предизвикало распад, хаос и терор на Косово.
„Па, јас тоа би го направил малку поинаку. И знам дека тоа би звучело ужасно, но погледнете го хаосот што го предизвикаа на Косово. Ние можеме да кажеме дека сме загубиле малку луѓе. Се разбира, кога имавме авиони што фрлаат бомби од 75.000 стапки (околу 23 километри). Но, погледнете што ѝ направивме на таа земја и на тие луѓе и умирањата што се случија поради нас. Значи, немаше загуби кај нас и кај сојузниците, затоа што ние бевме сосема таму горе, во авиони“, изјави Трамп.Вчера беше 20-годишнината од почетокот на бомбардирањето на НАТО врз Југославија, на 24 март 1999 година.