(ВИДЕО) Урнати дрвја, искорнати покриви - невреме ја зафати Хрватска

Пред 18 часот Осиек го погоди невреме. Вработените во Противпожарната служба на Осиек веднаш имаа полни раце работа, а противпожарните сирени можеа да се слушнат во сите делови од градот.

„Навистина имаме многу интервенции и не знам од каде да почнам. Има многу паднати дрвја, трамвајскиот сообраќај е прекинат“, рече Горан Ивковиќ, командант на Противпожарната служба на Осиек за SiB.

Клиничкиот болнички центар во Осиек претрпе штета, каде што ветерот го однесе покривот. 

„Падна дрво на улицата Далматинска, подрумите беа поплавени на улицата Фрушогорска, а покривите протекуваа на улицата Псуњска. Сè уште не можам да излезам надвор за да ја видам штетата, но гледам дека протекува и не е добро“, коментира граѓанин.

Новиот хотел во Чепин е оштетен во бурата, како и бројни други згради, така што штетите сигурно ќе се собираат со денови.

Во Сплит, околу 20:30 часот, почна силно невреме, а натпреварот помеѓу Хајдук и Истра почна со 50 минути доцнење. На стадионот имало прекин на електричната енергија, но повторно дошла по 21 часот.