Добивај вести на Viber
На 800 метри под површината на земјата, во рудникот за јаглен Распоточје во Зеница, денеска се спуштија првите новинарски екипи. Заедно со екипите кои работат на расчистување на теренот и извлекување на телата на петтемина загинати рудари, новинарите можеа да ги снимат последиците од катастрофата што ја предизвика горскиот удар.
Досега се извлечени телата на двајца рудари, а се очекува извлекувањето на уште двајца. Според екипите кои работат во рудникот, извлекувањето на телото на петтиот загинат рудар ќе биде исклучително тешко, бидејќи неговото тело се наоѓа на многу непристапна локација и уште не е целосно лоцирано.
Заради силните експлозии кои настанале во рудникот видлива е огромна штета во ходниците на рударската јама, а поради тоа извлекувањето на загинатите рудари е многу тешко. Што снимија камерите на босанските телевизии денеска во „рудникот на смртта“, можете да погледнете на следниот
ЛИНК.
Во Босна и Херцеговина в понеделник е прогласен ден на жалост заради рударската несреќа, која однесе пет животи. Рударската инспекција и полицијата спроведуваат истрага за да утврдат како се случила несреќата и дали биле запазени безбедносните процедури во рудникот за јаглен.