(ВИДЕО) ЗАГИНА РУСКИ ВОЕН ОФИЦЕР БЛИЗУ МОСКВА: Настрада при експлозија на автомобил

Добивај вести на Viber

Висок руски воен офицер денеска загина во експлозија на автомобил во близина на Москва. 

Ова се случи во градот Балашиха, источно од Москва, потврди Истражниот комитет на Русија. Офицерот е именуван како Јарослав Москалик, заменик-началник на Главната оперативна дирекција на Генералштабот на руските вооружени сили, а службите соопштија дека е отворена кривична постапка за инцидентот.

„Според достапните податоци, експлозијата се случила како резултат на детонација на рачно изработена експлозивна направа исполнета со деструктивни елементи“, велат од Истражниот комитет.

Good news from Moscow. General Yaroslav Moskalik, a top officer involved in planning Russia’s terror against Ukraine had a car explosion and won’t do much planning anymore.#RussiaMustPay #StandWithUkraine pic.twitter.com/dFlQsk5awE

— olexander scherba(@olex_scherba) April 25, 2025

Рускиот медиум База, пишува дека бомба во паркиран автомобил била детонирана од далечина кога офицерот – кој живеел во близина – поминал покрај него.

Весникот „Известија“ објави видео-снимка на која се гледа лице кое се приближува до ред паркирани автомобили пред станбен комплекс и експлозија од која делови од возилото летаат неколку метри во воздух. Весникот „Комерсант“ објави дека е убиено и второ лице.

Украинската тајна служба на ваков начин елиминираше повеќе руски воени лица во последниве три години откако почна руската инвазија на Украина. Руската инвазија на Украина почна на 24 февруари во 2022 година и сега САД бара двете страни да направат компромис и војната да заврши.