ВИРУСНИТЕ ИНФЕКЦИИ ГИ ИСПРАЗНИЈА УЧИЛНИЦИТЕ: Виновникот не е короната

Добивај вести на Viber

Последните денови здравствените домови во Србија бележат пораст на заразите кај децата, но лекарите, пак, сметаат дека состојбата не е алармантна и дека се е нормално за овој период од годината.

Како што велат, најчести се стомачните инфекции, но и инфекциите на дишните органи, во кои не спаѓа корона вирусот. Ковид е секако можен кај децата, но сега други вирусни инфекции се почести.

Според достапните податоци, бројот на деца со акутни респираторни проблеми во Белград е зголемен за околу 30 отсто во однос на претходната недела. Како што евидентира Градскиот институт за јавно здравје, од 29 август до 4 септември се регистрирани 6.723 пациенти со акутни респираторни инфекции. Кај децата на училишна возраст од пет до 19 години регистрирани се 1.872 заболени. Во периодот од 5 до 9 септември регистрирани се 9.560 пациенти со акутни респираторни инфекции, додека кај децата на училишна возраст имало 3.538 заболени.

Според родителите, наставата во некои училишта е преполовена поради болни деца.

Педијатарот од Здравствениот дом Чукарица, д-р Дејан Јонев во интервју за Блиц објаснува дека се што се случува кај децата е сосема нормално за овој период од годината, наставата почна, а вирусите лесно се пренесуваат меѓу децата.

-Што се однесува до короната, можам да кажам дека ја немаме, барем тоа е моето искуство. Последниот месец испратив осум деца на тестирање, кои имаа температурата, а само четири од нив беа позитивни. Тоа не е некоја бројка, ниту пак е алармантна бројка, со тоа што овие деца имаа блага температура, апсолутно никакви други проблеми, со еден нормален наод, објаснува д-р Јонев за Блиц.рс.