Високата невработеност го попречува економскиот раст на Европа

Добивај вести на Viber

Високата невработеност и особено долгорочната невработеност остануваат главни проблеми во Европа и најдобар начин за справување со овој проблем е да се даде поттик на економскиот раст во регионот преку низа мерки , вклучувајќи намалување на нивоата на долгот и завршување на процесот на формирање на единствена Банкарска унија , изјави вчера генералниот директор на Меѓународниот монетарен фонд, Кристин Лагард. Кога невработеноста е висока , економскиот раст е бавен , бидејќи луѓето трошат помалку , а фирмите инвестираат помалку и откриваат помалку работни места . Тоа значи дека најефикасен начин за промовирање на вработување е да се преземат мерки за забрзување на економскиот раст , напиша Кристин Лагард на својот блог, токму пред нејзиниот говор и учество во дискусијата во Брисел. Според некои проценки , со дополнителен раст на развиените економии во светот од 1 % ќе се намали невработеноста со околу 0,5 % , враќајќи назад на работа над 4 милиони луѓе . Значи, за да се создадат работни места ние треба да го зголемиме економскиот раст , посочи Лагард , цитирајќи истражување на ММФ . Според неа, високото ниво на долгорочната невработеност дава голем повод за загриженост - речиси половина од луѓето без работа биле невработени повеќе од една година. Во прилог на ова, таа ја посочи и високата невработеност меѓу младите, истакнувајќи дека речиси една четвртина од Европејците на возраст под 25 години бараат , но не можат да најдат работа . Во Италија и Португалија повеќе од една третина од луѓето под 25 години се невработени, а во Шпанија и во Грција се повеќе од 50% . Таа исто така истакна дека, без сомнение , на краток рок, ќе треба паметна монетарна и фискална политика за заштита на економско заздравување. Лагард ја повтори и често спомнуваната позицијата на ММФ за потребата, Европа да продолжи со реформите , како што е успешното завршување на процесот за формирање на единствена Банкарска унија , за да се обезбеди финансиска стабилност во регионот. „За еврозоната , верувам дека зајакнувањето на институционалната рамка на монетарната унија е итно неопходна. Ставањето на место на сите елементи на Банкарската унија ќе биде одличен почеток“ , напиша таа. Лагард исто така, ја истакна и потребата од намалување на нивото на долгот, велејќи дека „високите нивоа на долгот на приватниот сектор може да бидат особено проблематични и затоа треба да бидат адресирани на прво место". Лагард посочи дека државниот долг, исто така треба да биде намален, но го повтори предупредувањето од ММФ дека тоа треба да се случува бавно и постепено.   А.А.