Вкусно е, а Кумановско – вечерва во Куманово
Објавено во: Агробизнис 23 Февруари, 2013 09:31
Вечерва во Куманово ќе се одржи манифестацијата „Вкусно е, а кумановско“ во организација на Фондацијата за развој на мали и средни претпријатија, Здружението на граѓани на „Гласот на селото“, земјоделското училиште „Киро Бурназ“ и „Етно Беба“.
Целта на манифестацијата е негување на кумановските обичаи, подготовка на локална здрава храна и зачувување на културните и традиционалните вредности на кумановскиот регион.
- Програмата ќе започне со презентација на традиционална храна подготвена од здрави и еколошки производи кои потекнуваат од кумановскиот регион. Во меѓувреме посетителите ќе имаат можност да се запознаат и со атрактивните места кои се потенцијали за развој на руралниот туризам во кумановско, изјави Гордана Митровска од „Етно Беба“.
Освен презентација на храна пред присутните ќе бидат презентирани и уметнички ракотворби изработени од учесничките. Манифестацијата индиректно придонесува за поттикнување и развој на земјоделството и сточарството во регионот, како и во делот на поттикнување иницијативи за отварање и развој на мали и средни претпријатија кои ќе произведуваат здрава храна, а ќе придонесат за развој на руралниот и еко туризмот. Организаторите најавуваат дека манифестацијата ќе биде традиционална.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ИМА ДОБРИ ПРИНОСИ, А БАРА МАЛКУ ЃУБРИВО: Оваа култура станува популарна во Војводина
Koj е најголемиот европски центар за производство на зеленчук?
