Владата контра Регулаторна за поскапување на водата

Добивај вести на Viber

На вчерашната седница на Владата беше разгледа Тарифникот за утврдување на цените на водни услуги на ЈП за водоснабдување "Студенчица" Кичево, за снабдување со сурова вода наменета за населението од Регионалниот водовод Студенчица и е донесена одлука да не се даде согласност за покачување на цената на водата што ја предлага Регулаторната комисија за енергетика.

„Владата на Република Македонија е против одлуката за покачување на цената на водата бидејќи таа паѓа на сметка на крајните корисници, односно граѓаните, и донесе заклучок да и препорача на Регулаторната комисија за енерегетика да ја преиспита својата одлука за одобрување на покачување на цената на водата, а ЈП Студенчица да направи нова анализа за барањето за корекција на цената на водата“, посочија од Влада.

Имено, од почетокот на оваа година Регулаторната комисија за енергетика ја утврдува тарифата за водата за пиење, тарифата за собирање и одведување урбани отпадни води и за прочистување на отпадни води, а врз основа на ова цената ја формира ЈП „Водовод и канализација“ – Скопје и како предлог треба да биде одобрен и од Советот на Град Скопје.

Според предлогот на ЈП „Водовод и канализација“, новата цена на водата за пиење и отпадни води ќе изнесува 28,67 денари, но се додаваат дополнителни 2,04 денари за прочистување на отпадни води, што е нова давачка за жителите на градот Скопје.

За предлог одлуките за новата цена денес ќе се дебатира на седница на Советот на Град Скопје.