Владата не ги користи ни ГПС-уредите ниту софтверот за возниот парк
Објавено во: Економија 16 Март, 2020 14:15
Службата за општи и заеднички работи на Владата на РСМ не го користела ГПС-системот за зледење на користењето на владините возила, а нереализираната препорака која ја нотира државниот ревизор во својот најнов извештај.
Од 64 навигациони уреди, само 20 се инсталирани во возила кои што се користат, но истите не се во функција. Од одговорните лица следувало одговор дека технологијата е стара 10 години и дека не е во функција со што не е исполнета целта на јавната набавка.
Државниот завод за ревизија му препорачува на СОЗР да го користи набавениот софтвер за употребата на возниот парк, да направи анализа за неговото користење и да поднесува месечни извештаи. Софтверот за управувањето со возниот парк бил набавен во 2018 од службата, но веднаш запоставен, а како една од причините за тоа одговорните лица ја навеле можната злоупотреба на шифрите.
Во 2018 од 49 возила доделени на постојано користење, од нив 29 биле управувани од возачи на СОЗР, 12 биле управувани од лица на МВР и 8 од самите корисници. Ревизорот бара возилата да не бидат управувани од возачи кои не се вработени во СОЗР, односно да добијат полномошно.
Во 2018 било пресметано дека 147-те возила на СОЗР просечно трошат 9,5 литри гориво на 100 километри, а дури 4 од нив трошеле над 20 литри на 100 километри. Во однос на периодот пред 2014 година, потрошувачката била намалена, констатира ревизорот.
Службата била ефикасна во рационализирањето на возниот парк и со продажбата на старите автомобили. Продала 270 преку четири огласи од од 2013 до 2016, а 91 возило во моментов се на проценка за да бидат продадени.
А.К.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
ДОЦНА НАВЕЧЕР СЕ ПОТПИШУВАА РЕШЕНИЈА: Субвенции за набавка на клима уреди во Скопје
КУПИЛ ДВЕ НАПУШТЕНИ ШТИПСКИ СЕЛА: Косовски бизнисмен бара од Владата да ја гради најголемата фотоцентрала
АЛЕКСАНДАР МАНЕВ ВО „БИЗНИС-КЛУБ“: „Кадарот го создава духот на компанијата“
Венецуела го зголеми дневниот извоз на нафта во ноември
Oва се земји каде трошоците растат, а квалитетот на живот е загрозен
Хрватска е поскапа од Тоскана и Прованса, туристите се шокирани од цените
Димитриеска-Кочоска: Нема задолжување надвор од предвидените за годинава
Германија ја зголемува минималната плата од 1 јануари, компаниите најавуваат зголемување на цените и отпуштања
