Добивај вести на Viber
Станови близу центарот на Скопје по цена од 795 евра за квадрат гради Акционерското друштво за стопанисување со станбен простор. Во Реонски центар, во скопски Аеродром се градат 7 згради со 330 станови. За министерот за финансии Зоран Ставрески, кој денеска го шеташе градилиштето, со оглед на тоа што половина од становите не се продадени, ова е шанса преку проектот „Купи куќа - купи стан“, заинтересираните да си купат стан.
„Сметам дека се одлична можност за сите оние коишто го немаат решено станбеното прашање. Граѓаните оценуваат дека проектот „Купи куќа купи стан“ е добар, Владата дава пари и помага многу, но оти е потешко да се најдат станови за цена под 900 евра за метар квадратен, колку што е условот за кредит. Еве токму денеска сме тука на одлична локација и на која има такви станови. Не само што становите се продаваат по 795 евра по метар квадартен, туку се опремени и со кујна и со еркондишн“, изјави Ставрески кој смета дека локацијата на становите е одлична.
Надвор од Скопје, државното претпријатие гради станови во Прилеп, Битола, Охрид, Кавадарци, Штип, Струмица, Пехчево. Непродадени се 300 од нив, по цена од 300 до 600 евра за квадара, информираше Ставрески, а додаде дека понуда и на куќи кои „Хот и хот“ ги нуди воо радишани и Соње, а наскоро и во Хиподром и во Илинден.
И за директорот на Акционерското друштво за стопанисување со станбен простор, Цветко Гроздановски истановите во Реонскиот центар се мошне евтини, па затоа смета дека преку проектот „Купи куќа,купи стан“ брзо ќе се продадат поради големиот интересот.
„Сите станови се продваат преку оглас. На секои две недели имаме конкурс во медиумите и во подрачните единици“, појасни Гроздановски. Во Реонскиот центар непродадени се уште 150 станови.