19 Јануари, 2022
0.0196

Владата објави уште колку им должи на Фајзер, Гамалеја и Ковакс за вакцините против Ковид-19

Објавено во: Економија 14 Јануари, 2022

Владата во донесената програма за задолжителна имунизација за 2022 наведува дека потребни се уште 15 милиони евра за подмирување на обврските кон производителите Фајзер, институтот Гамалеја и Ковакс-механизмот за набавката на вакцините против Ковид-19 според склучените договори во текот на изминатата година.

Програмата е донесена на владината седница одржана на 11 јануари, а стапува на сила од вчера. Инаку, во буџетот се предвидени 337.796.000 денари, или околу 5,5 милиони евра, за набавка на Ковид-19 вакцини во 2022, но се наведува дека ќе бидат потребни и средства за подмирување на обврските.

„Реално потребни средства, согласно обврските од тековните договори за набавка на КОВИД-19 вакцини изнесуваат 905.581.676 денари, од кои: 1.Директен договор склучен со производителот Pfizer/BioNTech 493.860.301 денари 2. Директен договор склучен со производителот Gamaleya (SputnikV) 123.465.075 денари 3. Договор склучен со COVAX механизам 287.056.300 денари 4. Банкарски провизии за исплата на COVAX механизам 1.200.000 денари“, пишува во програмата за задолжителна имунизација во делот на финансирањето.

Имунизацијата во Македонија најмногу се потпре на вакцините од „Фајзер“, потоа преку Ковакс механизмот, како и од директните преговори со производителите од Кина и Русија. Дополнителни вакцини од ЕУ имаше преку грантот од 70 милиони евра за Западен Балкан, како и многубројни донации од соседните и останатите европски земји. 

Во програмата не се споменуваат обврски за набавка на вакцини од Кина, односно дали е исплатена целосно набавката. Државната комисија за спречување на корупција (ДКСК) во текот на ланската година отвори предметот за начинот на кој се одвиваше набавката на вакцините против ковид-19, но засега нема епилог.

Антикорупциската комисија тврдеше дека добила од Народна банка (НБ) документ за извршена исплата на седум милиони и 800 илјади долари преку „Стабри интернешнл“ од Хонгконг. Од МЗ, пак, известија дека не бил исплатен аванс на правно лице за купување кинески вакцини, туку на почетокот на годината има извршено уплата на средства на име гаранција за да се изврши резервација на 200 илјади дози вакцини од производителот „Синофарм“.

А.К.

Можеби ќе ве интересира

Нафтата ќе надмине 100 долари за барел

Нафтата ќе надмине 100 долари за барел

СИНДИКАТОТ ПОРАЧУВА: Ќе има протести и ќе блокираме се ако се укине правото на недела неработен ден

СИНДИКАТОТ ПОРАЧУВА: Ќе има протести и ќе блокираме се ако се укине правото на недела неработен ден

ХАЏИДИНЕВ ЗА ФАКТОР: Во 2022 година планираме емисија на нова перпетуална обврзница

ХАЏИДИНЕВ ЗА ФАКТОР: Во 2022 година планираме емисија на нова перпетуална обврзница

НОВ СКОК НА ЦЕНИТЕ: Од денес точиме горива поскапо

НОВ СКОК НА ЦЕНИТЕ: Од денес точиме горива поскапо

ЧЕТВОРИЦА ГАЗДИ ЗАРАБОТИЈА КЛУЧ НА ВРАТА ЗОШТО ИМ НАШЛЕ РАБОТНИЦИ КОИ НЕ ТРЕБАЛО ДА РАБОТАТ ВО НЕДЕЛА - Државниот инспекторат за труд ги засилува контролите

ЧЕТВОРИЦА ГАЗДИ ЗАРАБОТИЈА КЛУЧ НА ВРАТА ЗОШТО ИМ НАШЛЕ РАБОТНИЦИ КОИ НЕ ТРЕБАЛО ДА РАБОТАТ ВО НЕДЕЛА - Државниот инспекторат за труд ги засилува контролите

Еден од најискусните македонски бизнисмени ќе застапува странски компании

Еден од најискусните македонски бизнисмени ќе застапува странски компании

ИНТЕРВЈУ ГЕШОВСКИ: ЕЛС како најголема доставна компанија нуди партнерство за правни и физички лица во разработен и профитабилен бизнис

ИНТЕРВЈУ ГЕШОВСКИ: ЕЛС како најголема доставна компанија нуди партнерство за правни и физички лица во разработен и профитабилен бизнис

Регистрациите на нови автомобили на најголемиот европски пазар на најниско ниво од 1985 година

Регистрациите на нови автомобили на најголемиот европски пазар на најниско ниво од 1985 година

Зошто Централните банки во светот се префрлаат од долар на злато?

Зошто Централните банки во светот се префрлаат од долар на злато?