Владата се уште без решение за „Македонско село“
Објавено во: Македонија 06 Јули, 2019
Владата по осум месеци од затворањето на комплексот „Македонско село“ кај селото Нерези спроти манастирот Св.Пантелејмон на Водно се уште нема одговор за тоа дали е формирана работна група и каков заклучок донеле за евентуално нов оператор со концесијата.
Во октомври 2018 година компанијата „Тинекс“, првиот концесионер на комплексот од неговото отворање во 2016 година, информираше дека се откажува затоа што нема економска исплатливост и дека комплексот во континуитет работел со загуби.
По две недели Владата донесе информација за потребата од изнаоѓање решение за стопанисување и управување со комплексот „Македонско село“ во Нерези но се уште нема решение како ќе се обезбеди продолжување на стопанисувањето и управувањето со овој проект кој чинеше многу пари.