Владина делегација отпатува во Париз, се бараат француски инвеститори

Добивај вести на Viber

Владината економска делегација на чело со вицепремиерот задолжен за економски прашања, Владимир Пешевски, отпатува во Франција и имаше своја презентација на  на бизнис форумот во Париз каде што ги презентираше условите за водење бизнис и олеснувањата за странски инвеститори во Македонија. За време на форумот вицепремиерот се осврнал кон придобивките за странските компании кои вложуваат во земјава, нагласувајќи го и пристапот до 660 милиони потрошувачи обезбеден преку договорите за слободна трговија, како и нискиот даночен пакет, стои во соопштението од кабинетот на Пешевски. Покрај вицепремиерот Владимир Пешевски, во Париз отпатуваа и министерот без ресор задолжен за привлекување на странски инвестиции Бил Павлески и директорот на Дирекцијата за технолошки индустриски развојни зони Виктор Мизо. Според најавата, покрај форумот организиран во соработка со UBIFRANCE – Француска агенција за меѓународен развој на бизнисот, владината делегација требаше да одржи индивидуални средби со повеќе стопанственици од Франција.