ВМРО ДПМНЕ СО ИНТЕРПЕЛАЦИЈА ДО СОБРАНИЕ: За што ја обвинуваат владеачката гарнитура?
Објавено во: Македонија 09 Април, 2018
Опозициската ВМРО ДПМНЕ предаде барање до Собранието за организирање на седница на која би се гласало за доверба на владата на Зоран Заев.
Во барањето актуелната влада ја обвинуваат за криминал, растечка корупција и економска стагнација.
Како се наведува,се очекува пратениците да расправаат за овој предлог на седница во среда.
Предлогот на ВМРО ДПМНЕ има малку шанси да биде усвоен, со оглед на тоа дека имаат 53 пратеници од вкупно 120 во парламентот.
Во образложението кое го поднеле до Парламентот, наведуваат дека кабинетот на Заев, инаку лидер на СДСМ, „нема капацитет да ја води државата“.
„Владата изгуби 10 месеци. Пензионери, вработени, земјоделци, социјални работници, млади и многумина се жалат“, стои во образложението.