ВМРО ДПМНЕ и СДСМ се кошкаат за стечајните работници
Објавено во: Македонија 17 Март, 2018
СДСМ ветуваше целосно решавање на проблемот со стечајните работници, а сега презема парцијални решенија, обвинува денеска опозициската ВМРО ДПМНЕ.
Од владечката партија пак го возвратија „ударот“, велејќи дека токму ВМРО ДПМНЕ 11 години ги манипулирале стечајните работници.
„Од вкупно 12.000 поднесени апликации, со првиот закон решени се само 2.500 стечајци, додека со сегашниот закон предвидуваат опфат на дополнителни 2.000.
СДСМ не го решава проблемот на стечајците во целост. Над 7000 стечајци се оставени вон законскиот опфат, на законот за материјално обезбедување на стечајните работници, кој СДСМ сака да го претстави како успех“, велат од опозициската партија.
СДСМ пак се вадат.
Велат Законот за стечајци се спроведува со добра динамика, лицата кои ги исполнуваат критериумите добиваат месечен материјален надоместок од 7596 денари.
СДСМ и Владата што ја предводи го решија деценискиот проблем и обезбедија егзистенција за околу 5.000 стечајци, за сите оние кои останале без работа поради приватизацијата на претпријатија во доминиантна државна сопственост, посочија од СДСМ.