ВМРО-ДПМНЕ му ги предаде контактите на Бектеши
Објавено во: Македонија 05 Октомври, 2022
ВМРО-ДПМНЕ денеска брифираше дека на министерот за економија Крешник Бектеши му се предадени контактите и договорени се средбите на кои Владата треба да изменаџира за поевтини количини на гас и мазут од западни компании. Единствено засега е познато дека гас ќе се набавува преку трговци од западни земји кои имаат договорено количини со Газпром.
По синоќешната средба помеѓу премиерот Димитар Ковачевски и лидерот на ВМРО-ДПМНЕ, Христијан Мицкоски, како лице за контакт беше одреден министерот за економија, Крешник Бектеши.
- Веднаш после оваа средба ќе ги контактираме нашите позиции, ќе ги пренесеме контактите до министерот Крешник Бектеши и од тој момент понатаму очекуваме оваа неизвесност во која што во моментов се наоѓа Македонија, граѓаните и стопанството да се ублажи. Односно да обезбедиме евтин ресурс со кој што ќе можеме да обезбедиме евтина струја односно поевтина од таа што е на берзите, а со што ќе им помогнеме на граѓаните, на стопанството и на државата, истакна Мицкоски.
ВМРО-ДПМНЕ тврди дека има контакти со компании кои би обезбедиле енергенс по поповолни услови за работа на ТЕЦ Неготино, а струјата што ќе се произведе да се даде на стопанството, за да се зачуваат работни места. Од таму предлагаат и контакти да се обезбедат ресурси за производство на електрична енергија и топлина од ТЕ-ТО Скопје.
Владата вчера се согласи да ги разгледа предлозите на опозицијата за надминување на енергетската криза. Ковачевски и Мицкоски на вчерашната средба договорија ВМРО-ДПМНЕ да ги достави своите контакти за набавка на поевтини енергенси до министерот за економија Крешник Бектеши, кој треба да ги исконтактира посочените субјекти за да се утврди дали нивните понуди ги задоволуваат потребните критериуми.Можеби ќе ве интересира
КАКОВ ОКТОМВРИ ЌЕ ИМАМЕ? Еве што велат метеоролозите
„ДАЛИ МОЖЕШ ДА МЕ ПОГЛЕДНЕШ ВО ОЧИ И ДА НЕГИРАШ ДЕКА ОД МЕНЕ БАРАШЕ ДА ДОГОВОРИМЕ СРЕДБИ ЗА ИЗМЕНИ НА КРИВИЧЕН?“ Трајковски распали по Груевски
Ова е состојка која повеќето ја консумираат, но не знаат дека е „тивок убиец“
СЕЗОНСКИ ГРИП НЕМА, ВАКЦИНИТЕ СЕ ТУКА: Ковид има сè повеќе, но „паксловид“ нема
„ИЛИ ЌЕ СЕ ДРЖИМЕ ЗАЕДНО, ИЛИ ЌЕ ПОТОНЕМЕ ЗАЕДНО“: Пратеникот на СДСМ, Костовски, со апел до социјалдемократите
ФАКТОР НА ДЕНОТ: Осомничениот за убиството на жената во Кочани доби притвор, платформата за родова еднаквост бара одговорност за фемицидот
Осомничениот за убиството на жената во Кочани доби 30 дневен притвор
Обвинителен акт има против полицискиот инспектор за убиството на мигрантката од Сиера Леоне
Дали СДСМ ќе има заеднички претседателски кандидат со ДУИ?
