ВМРО-ДПМНЕ: Се нижат искази и докази дека Тиранската платформа е дело на Еди Рама
Објавено во: Македонија 28 Март, 2017
Од ВМРО-ДПМНЕ велат дека секојдневно се нижат искази и докази дека Тиранската платформа е дело на Еди Рама и дека истата има за цел да ја втурне Македонија во уште подлабока криза и да ја редефинира согласно визиите на соросовите играчи на Балканот.
ВМРО-ДПМНЕ уште во текот на преговорите кажа што мисли за платформата од Тирана и не преговараше врз основа на истата. СДСМ, како што кажа Мухамед Зекири во целост ја прифатиле платформата, додаваат од партијата.
ВМРО-ДПМНЕ ги отфрли уцените и ја отфрли Тиранската платформа. ВМРО-ДПМНЕ во процесот на преговори и јавно соопшти дека нема намера да формира влада по секоја цена.
„Аболицираниот криминалец Зоран Заев е само уценет човек, кој исплашен од затвор за сите криминали што ги сторил, е подготвен да прифати буквално се и да ги реализира сите барања кои одат спротивно на највисоките државни и национални интереси. Мнозинството граѓани на 11-ти декември одбраа кој има најдобра понуда, најквалитетна програма и најсоодветни персонални капацитети за да ја врати Република Македонија на вистинскиот пат. Тоа беше програмата на ВМРО-ДПМНЕ и коалицијата „За подобра Македонија“. Мнозинството граѓани не гласаа ниту за Тиранска платформа, ниту за двојазичност, ниту за дебати за химна грб или знаме. Граѓаните не гласаа ниту за нови пари, ниту за нови униформи. Тиранската платформа беше отпосле подметната како кукавичко јајце за да се изигра волјата на мнозинството“ - стои во соопштението од ВМРО-ДПМНЕ.
ВМРО-ДПМНЕ ја разбира загриженоста која стотици илјади граѓани секојдневно ја покажуваат низ целата земја. Граѓаните се чувствуваат изиграни и загрозени, бидејќи СДСМ под превезот „За живот“ им донесе двојазичност и федерализација. Заради тоа народот е на нозе! Заради тоа Македонија се буди!“, се вели во соопштението на ВМРО-ДПМНЕ.
Можеби ќе ве интересира
ДВЕ ЛИЦА ЗАГИНАА ВО СООБРАЌАЈКА НА ПАТОТ РАДОВИШ - ШТИП: едно лице е хоспитализирано
ГИ ИЗГРИЗАЛО КАБЛИТЕ ЗА ИНТЕРНЕТ - куче кое пропаднало во шахта ги остави без мрежа „Филип Втори“ и „Букурешт“
СООБРАЌАЈКА НА ПАТОТ РАДОВИШ - ШТИП: сообраќајот е во прекин
ЕЛЕКТРИЧЕН СТОЛБ ПАДНА НА ПАТОТ ГОСТИВАР - КИЧЕВО: кабли распослани по улицата, сообраќајот во прекин
ЕНОРМНО ЗГОЛЕМЕНИТЕ ПЛАТИ ЌЕ СЕ ВРЗАТ ЗА МИНИМАЛНАТА: Најчевска најавува „чистење“ преку укинување на бенефициите, еве што објави
ЌЕ СЕ СЛЕДАТ ТРАНСАКЦИИТЕ НА ФУНКЦИОНЕРИ, ОБВИНИТЕЛИ, БИЗНИСМЕНИ КОИ РАБОТАТ СО ДРЖАВАТА - еве што најави Димитриеска Кочоска
Стопанска комора: Избрзана, непазарна одлука за авто осигурувањето
КРИВИЧНИ ПРИЈАВИ ЗА УПРАВИТЕЛ И ДИРЕКТОР НА ЈП ПАЗАРИ БИТОЛА - злоупотребиле над 20 илјади евра
ПРОДОЛЖЕН ВИКЕНД ВО ГРЦИЈА ПА И ДА ВРНЕ: Македонците навалија кон соседите, еве како е на границите
