ВНИМАВАЈТЕ КАДЕ ПАТУВАТЕ ЗА ПРАЗНИЦИВЕ: Одморот може да ви преседне уште на аеродромите - три европски аеродроми се прогласени за најстресни
Објавено во: Свет 27 Декември, 2023
Една неодамнешна студија на VisaGuide открива некои од најстресните аеродроми во светот, рангирајќи ги првите 30 аеродроми на глобално ниво, како и оние кои се најголем извор на стрес за патниците во САД. При креирањето на овој извештај беа земени предвид факторите како број на патници, густина, веројатност за доцнење итн.
Во ова истражување биле анкетирани 1.642 патници од 53 различни земји, а секој од нив зел најмалку два меѓународни летови во 2023 година. Целта на студијата е да се идентификуваат факторите кои го зголемуваат нивото на стрес на аеродромите.
Она што најмногу ги загрижува патниците и вработените е: пренатрупаноста, распоредот на просторот кој личи на лавиринт, хроничните одложувања и оддалеченоста од градовите. За многумина, празничната авантура се претвора во топење.
Можеби за некого е изненадување, но на листата, меѓу првите три најстресни аеродроми во светот се оние од Европа: првиот е аеродромот Лондон Гетвик од Велика Британија. Оваа година, поточно кон средината на летото, AirHelp го нарече Лондон Гетвик „најлошиот аеродром во Европа“.
Втор најстресен аеродром во светот е аеродромот во Истанбул (Турција), а на трето место е аеродромот во Минхен (Германија).
Во топ 10 на листата се и: Меѓународниот аеродром Денвер (САД), аеродромот Хитроу во Лондон (Велика Британија), Меѓународниот аеродром во Лос Анџелес (САД), Меѓународниот аеродром Фиумичино во Рим (Италија), Меѓународниот аеродром Далас Форт Ворт (САД) , Меѓународниот аеродром Џон Ф. Кенеди (САД) и меѓународниот аеродром О'Харе во Чикаго (САД).
Значи, има мртва трка меѓу Европа и САД, додека аеродроми од Азија, Австралија и Јужна Америка нема.